لەسەر رێگای سەرەکیی هەڵەبجە – سلێمانی بەهۆی رووداوێکی هاتوچۆوە دوو کەس برینداربوون و گواسترانەوە بۆ نەخۆشخانە.
بەڕێوەبەرایەتیی هاتوچۆی هەڵەبجە بڵاویکردەوە، پێش نیوەڕۆی ئەمڕۆ هەینی رووداوێکی پێکدادان رویدا لە نێوان دوو ئۆتۆمبێل لە نزیك فلکەی “تەپەتۆڵەکە” بە ئاڕاستەی هەڵەبجە و بەو هۆیەوە سەرەڕای زیانی ماددی ئۆتۆمبێلەکان هەردوو شۆفێر برینداربوون و گواسترانەوە بۆ نەخۆشخانەی فریاکەوتنی هەڵەبجە.
باسی لەوەشکردووە، لەلایەن تیمی هاتوچۆوە لێکۆڵینەوە لە هۆکاری رووداوەکە دەستی پێکردووە.
