عەلی زەیدی لە میانی کۆبوونەوەی لەگەڵ بەرپرسانی باڵای دەزگا هەواڵگری و چاودێرییەکانی عێراق، جەختی کردەوە لە بەردەوامیدان لە ڕووبەڕووبوونەوەی گەندەڵی.
نووسینگەی ڕاگەیاندنی سەرۆکوەزیرانی عێراق بڵاویکردەوە، عەلی زەیدی، سەرۆکوەزیرانی عێراق لە میانی کۆبوونەوەی لەگەڵ بەرپرسانی باڵای دەزگا هەواڵگری و چاودێرییەکان، جەختی لە چڕکردنەوەی هەوڵە هەواڵگرییەكان کردەوە بۆ بەدواداچوونی تۆڕەکانی گەندەڵی و تاوانە ئابورییەکان.
ئەوەش هاتووە، بەرەنگاربوونەوەی گەندەڵی، بەرپرسیارێتییەکی هاوبەشی نیشتمانییە، پێویستیی بە ڕۆڵی یەکگرتوو هەیە لە نێوان دەزگاکانی ئاسایش و چاودێری، هەروەها دەبێت لە ئەرکەکاندا بەرزترین پێوەرەکانی دەستپاکی و شەفافیەت لە جێبەجێکردنی ئەرکەکاندا جێبەجێبکرێت.
ئەوەش خراوەتەڕوو، حکومەت هاوتەریب لەگەڵ کارنامە وەزارییەکەی، لە بەرنامە چاکسازییەکەی بۆ ڕووبەڕووبوونەوەی گەندەڵی بەردەوامدەبێت.
