بەڕێوەبەرایەتیی هاتوچۆی ڕاپەڕین ڕایدەگەیەنێت، ئێوارەی ئەمڕۆ لەسەر ڕێگەی چوارقوڕنە – کانی ماران، ڕووداوێکی هاتوچۆ ڕوویدا و سێ کەس برینداربوون.
بەڕێوەبەرایەتیی هاتوچۆی ڕاپەڕین لە ڕاگەیەندراوێکدا بڵاویکردەوە، ئەمڕۆ کاتژمێر 06:00ـی ئێوارە، ڕووداوێکی جۆری پێکدادان لە نێوان دوو ئۆتۆمبێلی تایبەت لە جۆری (ئاڤانتی) و (نیسان پاتڕۆڵ) لەسەر ڕێگەی سەرەکیی (چوارقوڕنە – کانی ماران) ڕوویدا.
ئاماژەی بەوەشکرد، لە ئەنجامی ڕووداوەکەدا سێ کەس برینداربوون، کە سەرجەمیان شۆفێر و سەرنشینانی ئۆتۆمبێلی ئاڤانتییەکە بوون.
