وەزارەتی دارایی هەرێمی کوردستان داوای لە سەرجەم وەزارەتەکان کردووە لیستی مووچەی فەرمانبەرەکانیان ڕەوانە بکەن و سبەینێش سیستمی پەیڕۆڵ کارادەکرێت.
سەرچاوەیەک لە وەزارەتی دارایی هەرێمی کوردستان ئاشکرایکرد، کاتژمێر یەکی پاشنیوەڕۆی ئەمڕۆ، بەشی گەنجینەی وەزارەتی دارایی داوای لە هەموو وەزارەتەکان کردووە کە لیستی مووچەی مانگی حوزەیران ئامادەبکەن.
باسی لەوەشکرد، کاتژمێر نۆی سبەینێ، سیستمی پەیڕۆڵ کارادەکرێت و سەرجەم وەزارەتەکان دەتوانن لیستی مووچەی فەرمانبەرەکانیان بخەنە ناو سیستمەکەوە.
