وتەبێژی پۆلیسی ڕاپەڕین ڕایگەیاند، لە قەڵادزێ چەند چەكدارێك تەقە لە ماڵی سلێمان هەڵشۆیی دەكەن و هەڵدێن.
شۆڕش ئیسماعیل، وتەبێژی پۆلیسی ڕاپەڕین بە تۆڕی میدیایی ئێستای ڕاگەیاند، “کاتژمێر 9:00 ئەمشەو لەلایەن چەند چەکدارێکەوە، تەقە لە ماڵی سلێمان ھەڵشۆیی كراوە و خێزان و منداڵەکانیشی لە ماڵەکەدا بوون”.
وتیشی، “ھیچ کەسێک بەهۆی تەقەكانەوە بریندار نەبووە”.
وتەبێژی پۆلیسی ڕاپەڕین باسی لەوەشکرد، تا ئێستا ناسنامەی تەقەکەرەکان ئاشکرانەبوون و سەرقاڵی لێکۆڵینەوەن لە ڕووداوەکە.
