وەزارەتی دارایی عێراق راگەیەندراوێکی بڵاوکردەوە کە تیایدا هەواڵێک رەتدەکاتەوە.
وەزارەتی دارایی عێراق، راگەیەندراوێکی بڵاوکردەوە و دەڵێت، هەموو ئەو هەواڵانەی باس لە بڕینی دەرماڵەی مەترسیی هێزە ئەمنییەکان دەکەن کە 500 هەزار دینارە دوورن لە راستییەوە.
دەشڵێت، “بەپێی یاسا بەرکارەکان و بەبێ هیچ گۆڕانکارییەک لە خەرجکردنی ئەو دەرماڵەیە بەردەوامین”.
وەزارەتەکە داوا لە کەناڵەکانی راگەیاندن و تۆڕە کۆمەڵایەتییەکان دەکات، تەنها پشت بە سەرچاوەی رەسمیی وەزارەتی دارایی ببەستن لەکاتی بڵاوکردنەوەی هەواڵ و زانیاریدا بۆ ئەوەی خەڵک بە لاڕێدا نەبەن.
