قوباد تاڵەبانی، جێگری سەرۆکوەزیرانی هەرێمی کوردستان ڕایگەیاند، لە ئەمڕۆوە دەزگای پەرەپێدانی ناوچەیی ڕاپەڕین بە ڕەسمی دەستی بەکارەکانی کرد.” هەروەها وتیشی، “سوپاسی حکومەتی بەریتانیا دەکەین کە پاڵپشت و بەشدارە لەم پڕۆژەیەدا.”
وتیشی، “ئەم دەزگایە مۆدێلێکی نوێیە بۆ گەشەپێدانی ئابووری. چیتر بەس شارە گەورەکان سەنتەرێک نابن بۆ وەبەرهێنان و گەشەپێدان، بەڵکوو هەموو قەزا و ناحییەکان بەپێی تایبەتمەندیی خۆیان گرنگییان پێ دەدەرێت و وەبەرهێنانیان تێدا دەکرێت.”
قوباد تاڵەبانی جەختیشیکردەوە، “لە ڕاپەڕینەوە دەستمانپێکرد و هەموو ناوچەکانی دیکەش دەگرێتەوە.”
