بەڕێوەبەرایەتیی هاتوچۆی گەرمیان ڕایدەگەیەنێت، بەهۆی پێکدادانی ماتۆڕسکیلێک و ئۆتۆمبێلێک لە نزیک گۆڕستانی شێخ عەبدولڕەحمان، سێ کەس برینداربوون و ڕەوانەی نەخۆشخانە کران.
بەڕێوەبەرایەتیی هاتوچۆی گەرمیان لە ڕاگەیەندراوێکدا بڵاویکردەوە، لەسەر ڕێگەی کەلار بۆ گردەگۆزینە، بەهۆی پێکدادانی ماتۆڕسکیلێک و ئۆتۆمبێلکی جۆری نیسان سەنی لە پێچکردنەوەی نزیک گۆڕستانی (شێخ عەبدولڕەحمان)، لێخوڕی ماتۆڕسکیلەکە و دوو سەرنشینی برینداربوون.
ڕاشیگەیاند، بریندارەکان لەدایکبووی 2010 و 2011 و 2010ـن و ڕەوانەی نەخۆشخانەی فریاکەوتنی شەهید هەژار کران، لەلایەن تیمی هاتوچۆوە لێکۆڵینەوە لە ڕووداوەکە دەستیپێکردووە بەمەبەستی زانینی هۆکار و چۆنیەتیی ڕووداوەکە.
