دوو بومەلەرزەی یەك لەدوای یەك ناوچەكانی گەرمیانی هەژاند، بەهێز بووە و لەلایەن هاوڵاتییانەوە هەستپێكراوە.
كاتژمێر 08:50 خولەكی بەیانی ئەمڕۆ بومەلەرزەیەك گەرمیانی گرتەوە.
ناوەندی ڕوودانی بومەلەرزەكە لە سەرپێڵی زەهاو بە گوڕی 4.4 پلە بە پێوەری ڕێختەر لە دووری 70 كیلۆمەتر لە سەنتەری شاری كەلار بووە.
پەیامنێرمان لە ناوچەكەوە پێیڕاگەیاندین، بەهێز بووە و لەلایەن هاوڵاتییانەوە بەڕوونی هەستیپێكراوە.
بومەلەرزەی دووەم کاتژمێر 08:52 خولەك لە گوندی چوارکڵاوی سەر بە قۆرەتو بە گوڕی 4 پلە بە پێوەری رێختەر و لە قوڵایی 10 كیلۆمەتر و دووری 25 كیلۆمەتر لە سەنتەری شاری كەلار ڕوویداوە.
بومەلەرزەكە لە كەركوك-یش هەستیپێكراوە.
