پۆلیسی دارستانی گەرمیان رایدەگەیەنێت، باڵندە دەگمەنەکە دەبرێتە شوێنێکی نادیار، پاشان ئازاد دەکرێت و دەگەڕێندرێتەوە بۆ سروشت.
عەمید شوان محەمەد، بەڕێوبەری پۆلیسی دارستانی گەرمیان لە کۆنگرەیەکی رۆژنامەوانیدا ئاشکرایکرد، “بە فەرمانی زارەکیی دادوەری لێکۆڵینەوەی کەلار، لیژنەیەک لەسەر ئەو باڵندەیە پێکدەهێنرێت و باڵندەکە دەبرێتە شوێنێکی نادیار و دوورەدەست، پاشان ئازاد دەکرێت و دەگەڕێندرێتەوە بۆ سروشت”.
دەشڵێت، “ئەوانەی کە راوەکەیان کردووە خۆیان باڵندەکەیان رادەستی پۆلیسی دارستان کردووە، باڵندەکە لەنێوان سنووری قەرەتەپە و جەبارە راوکراوە و دەگمەنە، ئەم جۆرە لە راوکردن نایاساییە و رێگەنادەین هیچ کەسێک یاساشکێنی بکات”.
