بەڕێوەبەری پارکی هەواری شار ڕایدەگەیەنێت، بەشێک لە هاوڵاتییان بەشێوەیەکی نابەرپرسیارانە گڵۆپ، درەخت و کورسییەکانی ناو پارکەکە دەشکێنن.
خەرمان محەمەد، بەڕێوەبەری پارکی هەواری شار لە سلێمانی، بە تۆڕی میدیایی ئێستای ڕاگەیاند، “لە ماوەی ڕابردوودا چەند کورسییەک لەناو پارکەکە شکێندراون و دیارنییە ئەو کەسەی ئەم کارەی کردووە کێیە، چونکە شوێنی شکاندنی کورسییەکان، کامێرایان لێنییە”.
وتیشی، لەئێستادا پارکی هەواری شار پێویستی بە زیاتر لە هەزار کامێرای چاودێری هەیە.
ئاماژەی بەوەشکرد، هەندێکجار دار و درەختەکان بەردەمی کامێراکانی چاودێری دەگرن، بۆیە بە باشی دیار نابێت کە کێ گڵۆپ، درەخت یان کورسییەکان دەشکێنێت.
