یەکەم ڕۆژی جەژنی قوربان دیاریکرا

سالار حاجی عەلی، شارەزای بواری کەشناسی و گەردونناسی بە تۆڕی میدیایی ئێستای ڕاگەیاند، ڕاستە بۆ دیاریکردنی جەژنەکان چاومان لەسەر سعودیەیە، بەڵام ئێستا شیکاری و لێکدانەوە زانستییەکان زۆر بە وردی ئاماژە بەوە دەکەن کە ڕۆژی 27ی ئایاری 2026، دەبێتە یەکەم ڕۆژی جەژنی قوربان.

وتیشی، ئەمڕۆ مانگ نوێدەبێتەوە و لە هیچ وڵاتێک نابینرێت، ئێوارەی سبەینێ مانگی هیلالی بە ئامێری تێلیسکۆپ دەبینرێت و دەتوانرێت بە ڕێژەی %1.1 لە هەرێمی کوردستانەوە ببینرێت، واتە لە ڕۆژی 18ی ئایاری 2026 فەریزەی حەج دەستپێدەکات و ڕۆژی 26ی ئایاری 2026 کۆتا ڕۆژی فەریزەی حەجە، هەروەها 27ی ئایاری 2026 دەبێتە یەکەم ڕۆژی جەژنی قوربان.