سەرۆكی فراكسیۆنی یەكێتی لە ئەنجومەنی نوێنەرانی عێراق رایدەگەیەنێت، هەرێم و بەغداد لەسەر بابەتی مووچەی هێزە ئەمنییەكان رێككەوتوون و لیستی هێزە ئەمنییەكان بۆ بەغداد نێردراوە و هیچ گرفتێك لە بابەتی ناردنی مووچە نەماوە.
هەرێم كەمال ئاغا، سەرۆكی فراكسیۆنی یەكێتی لە ئەنجومەنی نوێنەرانی عێراق لە لێدوانێكدا بە تۆڕی میدیایی ئێستا راگەیاند، بەپێی بڕیاری دادگای فیدراڵیی عێراق و هەمواری یاسای بودجە، كێشەی مووچە چارەسەربووە و دەبێت حكومەتی هەرێم دیراسەی ئەو بابەتە بكات و پابەندییەكانی جێبەجێبكات.
وتیشی، “هەرێم و بەغداد لەسەر بابەتی مووچەی هێزە ئەمنییەكان رێككەوتوون و هیچ كێشەیەك لەسەر پێدانی مووچە نەماوە، جگەلەوەش مووچە لەسەرجەم پرسەكانی دیكە جیاكراوەتەوە و لیستی مووچەی هێزە ئەمنییەكان بۆ بەغداد نێردراوە وردبینی تێدادەكرێت”.
