وەزارەتی دارایی هەرێمی کوردستان ڕایدەگەیەنێت، دوایین گوژمەی تەمویلی مووچەی مانگی نیسان خرایە سەر هەژماری بانکیی وەزارەتەکە.
وەزارەتی دارایی و ئابوریی حکومەتی هەرێمی کوردستان ڕایگەیاند، کەمێک لەمەوبەر، دوایین گوژمەی تەمویلی مووچەی مانگی نیسانی فەرمانبەران و مووچەخۆرانی هەرێمی کوردستان خرایە سەر هەژماری بانکیی وەزارەتی دارایی و ئابوریی هەرێمی کوردستان لە لقی هەولێری بانکی ناوەندیی عێراق کە سەرجەمی بڕەکەی 961 ملیار و 736 ملیۆن دینارە.
ئاماژەی بەوەشدا، هاوشێوەی مانگەکانی ڕابردوو، لەگەڵ گەیشتنی تەمویلی مووچەی مانگی نیسان، وەزارەتی دارایی حکومەتی فیدراڵ بڕی 16 ملیار و 624 ملیۆن و 814 هەزار و 478 دیناری لە تەمویلی مووچەی مانگی نیسان نەناردووە، کە بریتییە لە شایستەی مووچەی مانگەکانی ڕابردووی خانەنشینانی شارستانی و سەربازی.
