وتەبێژی شارەوانیی سلێمانی، ڕایگەیاند، لە ئایندەیەکی نزیکدا بەردی بناغەی پرۆژەی فراوانکردنی پردی ئەبوسەنا دادەنرێت.
ئەنجومەن حسێن، وتەبێژی شارەوانیی سلێمانی، بە تۆڕی میدیایی ئێستای ڕاگەیاند، هەوڵەکان چڕکراونەتەوە لە ئایندەیەکی نزیکدا بەردی بناغەی پرۆژەی فراوانکردنی پردی ئەبوسەنا دابنرێت.
لەبارەی گرنگیی پرۆژەکە، وتەبێژی شارەوانیی سلێمانی، ڕایگەیاند، دروستکردنی یەکتربڕ و ئەندەرپاسەکان ڕۆڵی بەرچاویان لە کەمکردنەوەی قەرەباڵغیی شەقامەکان دەبێت و فراوانکردنی پردی ئەبو سەناش بەهەمان شێوە دەبێت.
وتیشی، هەرکاتێک بەردی بناغەی پرۆژەکە دانرا ئەو کاتە نەخشە و شێوازی فراوانکردنەکەشی بڵاودەکرێتەوە.
