پاش 13 ساڵ لە داخرانی؛ دەروازەی سنووریی ڕەبیعە – یەعروبیە لە نێوان عێراق و سوریا کرایەوە.
ئاژانسی هەواڵیی سوریا (سانا) بڵاویکردەوە، دەروازەی سنووریی “ڕەبیعە – یەعڕوبیە”، لە نێوان هەردوو وڵاتی سوریا و عێراق بە شێوەیەکی ڕەسمی کرایەوە.
ئەمەش لەکاتێکدایە، ماوەی 13 ساڵ بوو بەهۆی بارودۆخی ئەمنی و شەڕی ناوخۆی سوریاوە، ئەو دەروازەیە داخرابوو.
میدیاکانی عێراق لە زاری بەرپرسانی حکومییەوە ئاشكرایان کردووە، کردنەوەی ئەم دەروازە ستراتیجییە، هەنگاوێکی گرنگە بۆ بووژانەوەی ئاڵوگۆڕی بازرگانی و گواستنەوەی کاڵا لە نێوان هەردوو وڵات و چاوەڕواندەکرێت، کاریگەریی ئەرێنیی لەسەر ئابوریی هەردوو وڵات هەبێت؛ بەتایبەت لەم کاتەدا، کە هەوڵەکان بۆ ئاساییکردنەوەی تەواوەتیی پەیوەندییەکان و بەهێزکردنی ئاسایشی سنوورەکان بەردەوامە.
