نێچیرڤان بارزانی: لەگەڵ حکومەتی عێراق هەماهەنگی دەکەین بۆ چارەسەرکردنی کێشەی ئێزیدییەکان و شەنگال

نێچیرڤان بارزانی، سەرۆکی هەرێمی کوردستان ئەمڕۆ چوارشەممە 3ی شوبات لەگەڵ نادیا موراد، چالاکوانی ئێزدی کۆبووەوە و لە دیدارەکەدا سەرۆکی هەرێمی کوردستان ڕایگەیاند، لەگەڵ لایەنە پەیوەندارەکانی حکومەتی عێراق و کۆمەڵگەی نێودەوڵەتی هەموو هاوکاری و هەماهەنگییەکی پێویست دەکەن.

لە ڕاگەیەنراوێکدا سەرۆکایەتیی هەرێمی کوردستان ڕایگەیاند، ” نێچیرڤان بارزانی دووپاتی کردەوە کە لەسەر هەوڵەکان بەردەوام دەبن و کار دەکەن بۆ ئەوەی کێشەکانی ئێزدییان و ناوچەی شەنگال چارەسەر بکرێن و لەمبارەیەوە لەگەڵ لایەنە پەیوەندارەکانی حکوومەتی عێراق و کۆمەڵگەی نێودەوڵەتی هەموو هاوکاری و هەماهەنگییەکی پێویست دەکەن”.

سەرۆکایەتیی هەرێمی کوردستان ڕاشیگەیاند، “نادیا مراد سوپاس و پێزانینی پێشکەش بە هەوڵەکانی نێچیرڤان بارزانی بۆ بەرەوپێشبردنی دۆسیای ئێزدییەکان و خزمەتکردنیان کرد”.

بەپێی ڕاگەیەنراوەکە هەردوولا هاوڕابوون لەسەر پرسی گێڕانەوەی کۆمەڵێک ڕوفاتی قوربانییانی ئێزدی بۆ گوندی کۆچۆ و ڕێککەوتنی شەنگال و چەند بابەتێکی دیکەی پەیوەست بە کاروباری ئێزدییانەوە، تاوتوێ کرد.

بابەتی پێشتر

فراكسیۆنی یەكێتی: تادواسات لە هەوڵەكان بۆ دابینکردنی پشکی هەرێم بەردەوام دەبین

بابەتی دواتر

دەربارەی جوڵەپێكردنی هێزەكانی پێشمەرگە ڕاگەیەنراوێك بڵاودەكرێتەوە

بابەتی پەیوەندیدار
Total
10
Share