ئەمڕۆ مووچەی مامۆستایانی گرێبەست و بەشێک لە فەرمانبەرانی هەمیشەیی و گرێبەست دابەشدەکرێت.
بەگوێرەی ڕاگەیەندراوێکی پێشووی وەزارەتی دارایی و ئابوریی هەرێمی کوردستان، ئەمڕۆ پێنجشەممە، مووچەی مانگی ئازاری مامۆستایانی گرێبەستی وەزارەتەکانی پەروەردە و خوێندنی باڵا و توێژینەوەی زانستی دابەشدەکرێت.
وەزارەتی دارایی هەرێمی کوردستان لە ڕاگەیەندراوەکەیدا ئاماژەی بەوەشدابوو، هاوکات هەر ئەمڕۆ مووچەی مانگی ئازاری ئەو فەرمانبەرانە دابەشدەکرێت کە لە دوای 1ـی تەمموزی 2024 بەشێوەی گرێبەست و هەمیشەیی لەسەر میلاکی دامەزراوەکانی حکومەتی هەرێمی کوردستان دامەزراون کە شایستەکانیان لەسەر داهاتی ناوخۆ خەرجدەکرێت.
