وەزیری پێشمەرگە ڕایدەگەیەنێت، متمانەبەخشین بە ئێوە لەم قۆناغەدا، بەرپرسیارێتییەکی گەورەیە بۆ پاراستنی بەرژەوەندییە باڵاکان.
شۆڕش ئیسماعیل، وەزیری پێشمەرگە، بەبۆنەی دەستبەکاربوونی نزار ئامێدی وەک سەرۆککۆماری عێراق پەیامێکی ئاڕاستەکرد و تیایدا هاتووە، “بەبۆنەی هەڵبژاردن و دەستبەکاربوونی بەڕێزتان وەک سەرۆککۆماری عێراق، گەرمترین پیرۆزباییتان ئاڕاستە دەکەم، متمانەبەخشین بە ئێوە لەم قۆناغەدا، بەرپرسیارێتییەکی گەورەیە بۆ پاراستنی بەرژەوەندییە باڵاکان”.
وتیشی، ” لەم ئەرکە نیشتمانییەدا هیوای سەرکەوتنتان بۆ دەخوازم، ئومێدەوارین دەستبەکاربوونتان ببێتە هەوێنی یەکڕیزیی و چەسپاندنی مافە دەستوورییەکانی گەلی کوردستان و تەواوی پێکهاتەکانی عێراق، وەک پارێزەری دەستوور و سەروەریی یاسا”.
