وەزیری بازرگانیی عێراق دەستپێکردنی شەشەم بەشە خۆراكی هاوڵاتییانی ڕاگەیاند.
بەپێی ڕاگەیەندراوێكی وەزارەتی بازرگانیی عێراق، ئامادەكارییەكانی کۆمپانیای گشتی بازرگانیی ماددە خۆراکییەکان کۆتاییهاتووە بۆ دابەشكردنی شەشەم بەشە خۆراك و دابەشکردنی بەسەر بریکارەکاندا.
باسی لەوەشكردووە، بەشە خۆراكەكە دابەشدەكرێت بەسەر سەرجەم ئەو هاوڵاتییانەی كە هەڵگری فۆڕمی خۆراكن و سبەتەی شەشەمیش ئاردی جۆری (داس) ی لەگەڵدا دەبێت.
بۆیە داوای لەسەرجەم بریکارەکان کردووە سەردانی کۆگاکان بکەن بۆ وەرگرتنی خۆراکەکان.
