کەشناسیی هەرێمی کوردستان ڕایدەگەیەنێت، ئەمشەو لە بەشێکی ناوچەکان، تاوەباران و هەورەبروسکە زیاتر دەبێت.
بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان ڕایگەیاند، ئەمشەو ئاسمانی هەرێمی کوردستان لەنێوان هەور و نیمچەهەور دەبێت، لەگەڵ ئەگەری تاوەباران و هەورەبروسکە لە سەرجەم ناوچەکان، هەروەها پێشبینیدەکرێت تاوەبارانی بەلێزمە و هەورەبروسکە زیاتر بێت لە پارێزگای دهۆک و ئیدارەی سەربەخۆی زاخۆ و بەشێک لە ناوچە شاخاوییەکانی دهۆک (ئاکرێ، بجیل و دینارتە) و ناوچە شاخاوییەکانی ئیدارەی سەربەخۆی سۆران (مێرگەسۆر، شێروان مەزن، بارزان و سیدەکان) و پارێزگای هەڵەبجە و بەشێک لە گەرمیان و بازیان.
ئاماژەی بەوەشکرد، ئەگەری باران و هەورەبروسکەی کەم هەیە لە سەنتەری شاری هەولێر و سلێمانی.
دەشڵێت، سبەی بەیانی، بارانبارین لاواز دەبێت.
