وتەبێژی هاتوچۆی راپەڕین رایدەگەیەنێت، لە رووداوێكی هاتوچۆدا لە شەقامی 60 مەتریی قەڵادزێ كەسێك گیانیلەدەستدا و دوو كەسی دیكەش برینداربوون.
عەلی عەبدوڵا ئیسماعیل، وتەبێژی هاتوچۆی راپەڕین لە لێدوانێكدا بە تۆڕی میدیایی ئێستای راگەیاند، كەمێك پێش ئێستا لە رووداوێكی هاتوچۆدا لە نێوان پیكابێك و ماتۆڕسكیلێكدا لەسەر شەقامی 60 مەتریی قەڵادزێ كەسێك گیانیلەدەستداوە و دوو كەسی دیكەش برینداربوون.
وتیشی، “بریندارەكان گەیەنراونەتە نەخۆشخانە و لێكۆڵینەوە لە رووداوەكە دەستیپێكردووە”.
