ئەمشەو، شەممە ڕوبەڕوبوونەوەیەکی یەکلاکەرەوەی قۆناغی نیوەی کۆتایی جامی ئیتاڵیا لە نێوان ئینتەرمیلان و یوڤانتۆس ڕکابەری ئەنجامدرا و یوڤی براوە بوو.
لە قۆناغی نیوەی کۆتایی “کۆپا ئیتاڵیا” لە یاریگای جوسێپی میاتزا یاری لوتکەی نێوان ئینتەر و یوڤی ئەنجامدرا، کریستیانۆ و هاوڕێیانی بە ئەنجامی دوو گۆڵ بەرانبەر گۆڵێک بردنەوەیان تۆمارکرد.
گۆڵەکەی نێراتزۆری لە خولەکی نۆ لەلایەن لاوتارۆ مارتینێز، دوو گۆڵەکەی بیانکۆنێریش لە خولەکەکانی 26 و 35 لەلایەن کریستیانۆ ڕۆناڵدۆوە تۆمارکران.
https://streamable.com/g9gx0k
سەرەڕای ئەوەی ئینتەرمیلان لە تایمەکانی یەکەم و سەرەتای تایمی دووەم باڵادەستبوو، بەڵام ئەستێرەکانی پێرلۆ توانیان بە باشترین شێوە مامەڵە لەگەڵ ڕکابەرە بەهێزەکەیان بکەن و لە ڕووی هێرشبەریەوە کاراتر دەرکەوتن و سەرکەوتنیان بەدەستهێنا.
بەپێی ئەنجامە تۆمارکراوەکە، یوڤانتۆس یاری چوونی یەکلاییکردەوە و لە یاری گەڕانەوەدا تەنها پێویستی بە یەکسانبوونێک دەبێت.
