وەزیری نەوتی عێراق، ڕایگەیاند، لەگەڵ ئێران لە گفتوگۆداین بۆ ڕێگەدان بە تێپەڕبوونی کەشتییە نەوتهەڵگرەکانمان بە گەرووی هورمزدا.
حەیان عەبدولغەنی، وەزیری نەوتی عێراق، ڕایگەیاند، حکومەتی فیدراڵی پەیوەندییەکی بەردەوامی لەگەڵ لایەنی ئێرانی دەستپێکردووە بە مەبەستی ڕێگەدان بە تێپەڕبوونی بەشێک لە کەشتییە نەوتهەڵگرەکانی عێراق لە ڕێگەی گەرووی هورمزەوە.
دەشڵێت، عێراق وەک یەکێک لە وڵاتە سەرەکییەکانی ناو ڕێکخراوی ئۆپیک، لە دوای دەستپێکردنی جەنگەکەوە ئاستی بەرهەمهێنانی نەوتی خۆی بە ڕێژەیەکی بەرچاو کەمکردووەتەوە، بە جۆرێک کە ئاستی بەرهەمهێنان لە 4.3 ملیۆن بەرمیلەوە بۆ نزیکەی 1.2 ملیۆن بەرمیل لە ڕۆژێکدا دابەزیوە.
