ئیدارەی یانەی ئارسیناڵی ئینگلیزی لە میرکاتۆی زستانی 2021 بە فرۆشتنی چوار یاریزانی گرانبەها ئامانجە ئابورییەکانی پێکا.
ڕۆژنامەی ” زە سەن”ی بەریتانی ئاشکرایکردووە، لە گواستنەوەکانی زستانەی 2021 یانەی ئارسیناڵ تەنها ئامانجی کەمکردنەوەی ڕێژەی بەکارخستن بووە لە موچەی یاریزاناندا، بۆ جێبەجێکردنی ئەم پلانەش هەریەک لە مەسعود ئوزێل و سیاد کۆلاسیناک و شکۆردان موستافی و سۆکراتیس پاپاستاپۆلۆسی بە یانە داواکارەکانیان فرۆشتووە.
ئوزێل پەیوەندی بە یانەی فەنارباخچەی تورکیەوە کرد، سیاد کۆلاسیناک بەخواستن لەگەڵ شکۆردان موستافی ئاڕاستەی شالکە کران و سۆکراتیس پاپاستاپۆلۆس پەیوەندی بە یانەی ئۆڵۆمپتاکۆسی یۆنانییەوە کرد.
کۆی گشتی ئەو موچەیەی ساڵانە بۆ تۆپچییەکانی شاری لەندەن دەگەڕێتەوە 32.8 ملیۆن پاوەندە و ئەوەش هاوسەنگی بە ئابووری یانە دەبەخشێت.
ئوزێل لە ساڵێکدا 18.2 ملیۆن پاوەند، کۆلاسیناک 5.2 ملیۆن، موستافی 4.7 ملیۆن، سۆکراتیس 4.7 ملیۆنیان لە ئارسیناڵەوە بەدەستهێناوە، لە ئێستادا یانەکانی دیکە ئەو بڕە تەرخاندەکەن.
بەپێی زانیاریەکانی زە سەن، لە ئێستادا بەرزترین ڕێژەی موچەی یاریزانان لە ئارسیناڵ بەم شێوەیەیە:
پیێر ئیمیریک ئۆبامیانگ 350 هەزار لە هەفتەیەکدا
ویلیان 220 هەزار
تۆماس پارتی 200 هەزار
ئەلیکساندەر لاکازێت 182 هەزار
نیکولاس پیپی 140 هەزار
داڤید لویز 125 هەزار
هیکتۆر بیلیرین 110 هەزار
بێرند لینۆ 100 هەزار
گرانیت شاکا 100 هەزار
