سەرچاوەیەک لە وەزارەتی دارایی هەرێمی کوردستان وادەی ناردنی مووچەی مانگی شوباتی ئاشکراکرد.
سەرچاوەیەک لە وەزارەتی دارایی هەرێمی کوردستان بە تۆڕی میدیایی ئێستای راگەیاند، پاش بڕیاری خەرجکردنی مووچەی مانگی شوبات لەلایەن وەزارەتی دارایی عێراقەوە، سەرەتای هەفتەی داهاتوو دەستدەکرێت بە دابەشکردنی مووچەی مانگی شوباتی فەرمانبەرانی هەرێمی کوردستان.
وتیشی، لیستی مووچەی مانگی شوبات ئامادەیە و تەواوی رێکارەکان جێبەجێکراون، هەرکاتێک پارەکە خرایە سەر هەژماری وەزارەتی دارایی هەرێمی کوردستان، راستەوخۆ دەستدەکرێت بە دابەشکردنی.
