نەوزاد شێخ کامیل، بەڕێوەبەرى گشتیى بازرگانیى هەرێمی کوردستان رایگەیاند، مەترسیی كەمبوونەوەی كاڵا و شمەک نییە و داوا لە هاوڵاتییان دەكەین بازاڕەكان قەرەباڵغ نەكەن.
وتیشی، ئەگەر تا شەش مانگی دیكەش كاڵا نەیەتە كۆگاكانمانەوە، مەترسی نەمانی پێداویستی رۆژانەمان نییە، لە چەند رۆژی داهاتوودا كاڵای دیكەش دەگەنە گەنجینەكانمان.
روونیشیکردەوە، داخستنی سنووری هەرێمی كوردستان و وڵاتی ئێران كاتییە، پاش بەئاساییبوونەوەی دۆخەكە سنوورەكان دەكرێنەوە.
