وردەکاریی بۆردومانی گوندی شێنێ لەلایەن تورکیاوە

نێوەڕۆی ئەمڕۆ 2 شوبات، فڕۆکەی بێ فڕۆکەوانی تورکیا سێجار بۆردومانی گوندی شێنێیان کرد لە قەزای پشدەر.

بەکر بایز، قائیمقامی قەزای پشدەر بە تۆڕی میدیایی ئێستای ڕاگەیاند، “بۆردومانەکان ٥٠٠ مەتر لە ماڵی هاوڵاتییانی گوندی شێنێوە دروبووە و زیانی مادی بەر گوندەکە کەوتووە”.

وتیشی، “ئەو ناوچەیە ناوچەیەکی سەختە و پێدەچێت بەهۆی جوڵەی گەڕۆکی گەریلاکانی پژاکەوە لەو ناوچەیە بۆردومانەکە کرابێت”.

بەپێی زانیارییەکانی تۆڕی میدیایی ئێستا، ئەو ناوچەیەی کە بۆردومانەکەی تێدا کراوە شوێنی گەڕۆکی گەریلاکانی پارتی ژیانی کوردستان، پژاکە و بنکەیەکی سەربازی سوپای پاسدارانی ئێرانیش لەو ناوچەیە هەیە.

25 ی تەموزی 2020 تورکیا لە سنوری پارێزگای سلێمانی بۆردومانی سەیرانگای کونەماسی کرد و بەهۆیەوە هاوڵاتییەک شەهیدبوو و شەش کەسی دیکەش بریندار بوون.

بابەتی پێشتر

ڕوبەڕوی کێ دەبنەوە؟ مانگی شوبات بۆ یانەی یوڤانتۆس ئێسکشکێن دەبێت

بابەتی دواتر

ئوسترالیا.. "نەیزەكێك كەوتە گۆڕەپانی خوێندگایەكەوە و ناسا لێكۆڵینەوە دەكات"

بابەتی پەیوەندیدار
زیاتر ببینە

چوار سەرۆكایەتییەكە: بڕیارەکه‌ى دادگاى فيدراڵى قبوڵكراو نييه‌ و ھەرێم ده‌ست له‌ ماف و ده‌سه‌ڵاته‌كانى هه‌ڵناگرێت

چوار سەرۆكایەتییەكەی هەرێمی كوردستان بڕیارەكەی دادگای باڵای فیدراڵی تایبەت بە دۆسیەی نەوتی هەرێم بە نادەستووری ناودەبەن و دەڵێن،…
Total
1
Share