بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان، لەگەڵ تۆم باراک، نێردەی تایبەتیی دۆناڵد ترەمپ. سەرۆکی ئەمریکا و جەنەڕاڵ مەزڵوم عەبدی، فەرماندەی گشتیی هێزەکانی سووریای دیموکرات (هـ.ـەسەدە) کۆبووەوە.
لە کۆبوونەوەکەدا کە قوباد تاڵەبانی، ئەندامی مەکتەبی سیاسیی یەکێتی ئامادەیبوو، جەخت لە جێبەجێکردنی رێککەوتنی 29ـی کانوونی دووەمی 2026ـی نێوان هـ.ـەسەدە و حکومەتی سوریا و لابردنی هەر بەربەستێک لەبەردەمیدا کرایەوە.
لە کۆبوونەوەکەدا دووپات لەسەر ئەوە کرایەوە کە پێویستە سوریا رێز لە هەموو پێکهاتەکان بگرێت، کاردەکەن بۆ یارمەتیدانی سوریا تاوەکو ببێتە وڵاتێکی بنیاتنەر لە ناوچەکە و کۆمەڵگەی نێودەوڵەتیدا.
