بەغداد.. تەقینەوەیەك ئەنجامدرا

بەرەبەیانی ئەمڕۆ سێشەممە 2ی شوبات، فرۆشگەیەكی خواردنەوە كحولییەكان لە بەغداد تەقێندرایەوە.

ئەو مەیفرۆشییە دەكەوێتە شەقامی نیزاڵ و بەگوێرەی زانیارییەكان، تەقینەوەكە زیانی گیانی بەدواوە نەبووە، بەڵام فرۆشگەكە زیانێكی زۆری بەركەوتووە.

شەوی ڕابردوو دوو تەقینەوە لە بەغداد ئەنجامدران كە یەكێكیان سەنتەرێكی مەساجكردنی لە ناوچەی كەڕادە كردە ئامانج و زیانی مادی بەر شوێنەكە گەیاند. تەقینەوەی دووەم لەڕێگەی بۆمبەوە ئەنجامدرا و مەیفرۆشییەكی پێكا.

تەقاندنەوەی مەیفرۆشییەكان لە بەغداد بووەتە دیاردە، دوو هەفتە لەمەوبەر لە یەك ڕۆژدا سێ فرۆشگەی خواردنەوە كحولییەكان تەقێندراوەتەوە و بەهۆیانەوە كەسێك برینداربوو، سەرباری ئەوەش زیانی زۆر بەر فرۆشگەكان كەوتن.

كۆتایی ساڵی ڕابردووش لە یەك ڕۆژدا پێنج بۆمب بۆ چەند فرۆشگەیەكی خواردنەوە كحولییەكان لە بەغداد دانران و چواریان تەقینەوە، ئەوەش زیانی مادیی زۆری بە فرۆشگەكان گەیاند.

بابەتی پەیوەندیدار
زیاتر ببینە

عێراق دەیەوێت لە مانگی ئەیلولەوە هێزەکانی هاوپەیمانیی نێودەوڵەتی دەست بە کشانەوە بکەن

بەمەبەستی کۆتاییهێنان بە ئەرکی هێزەکانی هاوپەیمانیی نێودەوڵەتی، لە دوێنێ دووشەممەوە گفتوگۆکانی ئەمریکا و عێراق لە واشنتن دەستیانپێکردووەتەوە و…
Total
0
Share