باس لەوەدەکرا، لە پێشانگەکانی ئۆتۆمبێل، نرخی ئۆتۆمبێلی چینی دابەزینێکی بەرچاوی بەخۆیەوە بینیوە؛ بۆ ئەم مەبەستە پەیامنێری تۆڕی میدیایی ئێستا لە هەولێر بەدواداچوونی کرد.
هێمن شێروانی، بازرگان و فرۆشیاری ئۆتۆمبێل بە تۆڕی میدیایی ئێستای راگەیاند، لەم ماوەیەی دواییدا، ئۆتۆمبێلێکی زۆری چینی هێندراونەتە ناو عێراق و هەرێمی کوردستانەوە کە بە نزیکەی 40 هەزار ئۆتۆمبێل مەزەندەدەکرێت.
وتیشی، بەهۆی ئەو ژمارە زۆرەی ئۆتۆمبێلی چینی کە بەردەستن و هاوکات بەهۆی رکابەریی بازرگانانیش لە دابەزاندنی نرخ، نرخی ئەو ئۆتۆمبێلانە بەشێوەیەکی بەرچاو دابەزیوە و ئێستا هەموو بازرگانان بە زەرەر دەیدەن و تەنیا هاوڵاتییان قازانج دەکەن.
ئاماژەی بەوەشکرد، ئۆتۆمبێلمان هەیە پێشتر بە 130 گەڵا بووە، ئێستا بە 115ـیە و هەزار و 500 دۆلار لە نرخەکەی دابەزیوە، بەڵام لەم نرخە زیاتر نایەتە خوارەوە.
