وتەبێژی یەکێتیی نیشتمانیی کوردستان رایدەگەیەنێت، کۆبوونەوەی ئەمڕۆ یەکێتی و پارتی ئەرێنی بووە، بەڵام هیچ رێککەوتنێک ئەنجامنەدراوە.
کاروان گەزنەیی، وتەبێژی یەکێتیی نیشتمانیی کوردستان بڵاویکردەوە، ئەمڕۆ 11ی شوباتی 2026، کۆبوونەوەیەکی ئەرێنی لەنێوان بافڵ تاڵەبانی و مەسعود بارزانی، لە کەشێکی زۆر ئارام بەڕێوەچوو.
روونیشیکردەوە، لەکۆبوونەوەکەدا، گفتوگۆ سەبارەت بە پرسە هەنوکەییەکانی ئێستای هەرێمی کوردستان، عێراق و ناوچەکە کراوە.
ئاماژەی بەوەشکرد، وێڕای ئەرێنی بوونی کۆبوونەوەکە، لە بەشێک لە میدیا و تۆڕە کۆمەڵایەتییەکان هەواڵی رێککەوتن لەسەر پۆستەکان بڵاودەکرێنەوە، ئێمە بە رەسمی سەرجەم ئەم دەنگۆیانە رەتدەکەینەوە، سەبارەت بەوەی هەر رێککەوتنێک ئەنجامدرابێت، ئەگەر رێککەوتنێک لەنێوان هەردوولادا هەبێت، بە رەسمی بۆرای گشتی بڵاویدەکەینەوە.
