وەفدێکی یەکێتیی نیشتمانیی کوردستان بەسەرۆکایەتیی نزار ئامێدی سەردانی موحسین مەندەلاوی سەرۆکی هاوپەیمانیی ئەساسی کرد.
لەدیدارێکدا کە رزگار حاجی حەمە، ئەندامی مەکتەبی سیاسی ئامادەی بوو باس لە دوایین پێشهاتە سیاسییەکانی عێراق کرا و هەردوولا جەختیان لە زوو جێبەجێ کردنی پابەندییە دەستورییەکان کردەوە بە شێوەیەک خزمەتی هەموو گەلانی عێراق بکات .
داوا لەهەموو هێز و لایەنە سیاسییەکان کرا کار بۆ گەشتن بە کۆدەنگیی نیشتمانی بکەن بۆ زوو هەڵبژاردنی سەرۆککۆمار و پێکهێنانی حکومەت و ئاساییبوونەوەی دۆخی سیاسیی وڵات .
