شاڵاو هیدایەت، شارەزای كەشناسی لە لێدوانێكدا بە تۆڕی میدیایی ئێستای رایگەیاند، شەپۆلێكی بارانبارین چەند ناوچەیەك دەگرێتەوە و لە كاتژمێرەكانی داهاتوودا كاریگەرییەكانی زیاتر دەبێت و شەپۆلەكە سنووری پارێزگای هەولێر و سنووری كۆیە و تەواوی ئیدارەی راپەڕین و سنووری سلێمانی و هەڵەبجە و زۆرینەی گەرمیان دەگرێتەوە و ئەگەر هەیە لە سنووری دهۆكیش هەندێك شوێنی كەم بڕێكی كەم باران ببارێت و خێرایی با هەندێك كات زیاددەكات و لە هەندێك ناوچەش ئەگەری روودانی هەورەبروسكە هەیە.
ئاماژەی بۆ ئەوەش كردووە، كاریگەری ئەم شەپۆلە تا كاتەكانی بەیانی دەبێت و دواتر كاریگەریی تەواو لاوازدەبێت و بەرەو كۆتایی دەڕوات و بارانەكە بە زۆریی رێژەكەی لە نێوان كەم بۆ مام ناوەندە و لە هەندێك ناوچەش ئەگەری بارانی باش هەیە و لە ناوچە شاخاوییە بەرزەكان و بەشێكی ناوچە شاخاوییە سنوورییەكان ئەگەری بارینی بەفر هەیە.
