سبەی دووشەممە، ئەنجومەنى نوێنەرانى عێراق کۆدەبێتەوە و پرسى هەڵبژاردنى سەرۆککۆمار لە کارنامەکەدا نییە.
دوێنێ، فەرمانگەى کاروبارى ئەنجومەنى نوێنەران، کارنامەى کۆبوونەوەى رۆژی دووشەممەی ئەنجومەنەکەى بە زمانی کوردی بڵاوکردەوە و بەپێی کارنامەکە، لە بڕگەى یەکەمی کۆبوونەوەکەدا، ژمارەیەک پەرلەمانتاری نوێ سوێندی یاسایی دەخۆن و بڕگەى دووەمیش، دەنگدانە لەسەر لیژنە هەمیشەییەکانى ئەنجومەنى نوێنەرانە.
پرسى هەڵبژاردنى سەرۆککۆمار لە کارنامەى دانیشتنەکەدا نییە و بەرپرسانی یەکێتیی نیشتمانیی کوردستان و پارتی دیموکراتی کوردستان، هۆکارەکەى بۆ رێکنەکەوتنیان لەسەر پۆستى سەرۆککۆمار، دەگەڕێننەوە.
بەپێی زانیارییەکان، لە ئەگەری رێککەوتن لەسەر پۆستی سەرۆککۆمار، لە دانیشتنی هەفتەی ئایندەی ئەنجومەنی نوێنەراندا، هەڵبژاردنی سەرۆککۆماری عێراق بەڕێوەدەچێت.
