بڕیارە ئەمڕۆ بافڵ جەلال تالەبانی لە بەغداد لەگەڵ هاوپەیمانیی بەڕێوەبردنی دەوڵەت کۆببێتەوە.
بەگوێرەی زانیارییەکانی میدیای رەسمیی یەکێتیی نیشتمانیی کوردستان، بڕیارە ئەمڕۆ لە بەغداد، بافڵ جەلال تاڵەبانی، سەرۆکی یەکێتیی نیشتمانیی کوردستان و هاوپەیمانیی بەڕێوەبردنی دەوڵەت، سەبارەت بە یەکلاکردنەوەی هەردوو پۆستی سەرۆکوەزیران و سەرۆککۆماری عێراق، هەروەها نوێترین پێشهاتەکانی عێراق و ناوچەکە کۆببنەوە.
لای خۆیشیەوە، هەرێم کەمال ئاغا، سەرۆکی فراکسیۆنی یەکێتی لە ئەنجومەنی نوێنەرانی عێراق رایگەیاند، پێویستە پۆستی سەرۆکكۆماری عێراق بۆ یەكێتی بێت، چونكە بەگوێرەی رێككەوتن و نەریتە سیاسییەكان، بەشەمافی خۆیەتی، هەروەها بەگوێرەی دەستووری عێراق، پێویستە لەم هەفتەیەدا ئەنجومەنی نوێنەران سەرۆككۆمار هەڵبژێرێت، تاوەکو عێراق نەكەوێتە بۆشایی یاساییەوە.
