ئەندامێکی ئەنجومەنی نوێنەرانی عێراق رایگەیاند، دەبێت لیژنە وزارییەکە تاوەکو سێشەممە رەشنوسەکە رادەستی سودانی بکات.
جەمال کۆچەر، ئەندامی لیژنەی دارایی ئەنجومەنی نوێنەرانی عێراق رایگەیاند، لیژنە وزارییەکەی عێراق ناتوانێت کارەکانت تەواوبکات تاوەکو ئەو زانیارییانەی داوایانکردووە نەگاتە دەستیان کە تایبەتن بە نەوت و داهاتی نانەوتی.
وتیشی، پێویستە تاوەکو رۆژی سێشەممەی ئەم هەفتەیە رەشنوسی لیژنە وزارییەکە تەواوبکرێت بۆ ئەوەی رادەستی سودانی بکرێت و لە دانیشتنی ئەنجومەنی وەزیرانی عێراق یەکلابکرێتەوە.
