قائیمقامیەتی سلێمانی رایدەگەیەنێت، بەهۆی خراپ عەمبارکردنەوە، بڕێکی زۆر سەوزە و میوە لەناودەبرێن.
قائیمقامیەتی سلێمانی بڵاویکردەوە، بەهۆی نەشیاوییان بۆ خواردن، لیژنە هاوبەشەکان، لە عەلوەی سلێمانی دەستیان بەسەر بڕێکی زۆر سەوزە و میوەی خراپبوودا گرت.
ئەوەشی خستەڕوو، لیژنەکە دەستی بەسەر یەک تۆن و400 کیلۆگرام خورما، 500 کیلۆگرام لالەنگی، 700 کیلۆگرام کاڵەک، 300 کیلۆگرام شاتوو، و یەک تۆن و 200 کیلۆگرام کەلەرم و قەڕنابیتدا گرتووە کە خاوەنەکانیان بەنیازبون بەسەر هاوڵاتییاندا ساغیبکەنەوە.
