ئەمڕۆ بە نوێنەرایەتیی بافڵ جەلال تاڵەبانی سەرۆكی یەكێتیی نیشتمانیی كوردستان لە كەلار، شێخ ئەحمەد حەمە كەریم ئەندامی مەكتەبی سیاسی، وەهاب هەڵەبجەیی بەڕێوەبەری گشتیی دژەتیرۆر ، سالار مەحمود لێپرسراوی مەڵبەندی رێكخستنی گەرمیان، بەشدارییان لە پرسەی قوربانییانی رووداوە خەمناكەكەی گەرمیان كرد .
لە میانی بەشداریكردن لەپرسەكەدا وەفدی یەكێتی سەرەخۆشی و هاوخەمی قووڵی سەرۆك بافڵ جەلال تاڵەبانی -یان گەیاندە خانەوادەی قوربانییەكان و لەخوای گەورە داواكاربوون سەبووری هەموولایەك بدات.
هەر هەمان رۆژ وەفدی یەكێتی كەسوكاری بریندارەكانی رووداوەكەیان بەسەركردەوە و هیوای زووچاكبوونەوەیان بۆ خواستن و هاوكاریی سەرۆكی یەكێتییان بە خانەوادەی قوربانییەكان گەیاند.
