بڕیارە سبەی سێشەممە، دەنگدان بۆ هەڵبژاردنی سەرۆککۆماری عێراق لە ئەنجومەنی نوێنەران بەڕێوەبچێت.
بەپێی راگەیەندراوێکی نووسینگەی راگەیاندنی ئەنجومەنی نوێنەرانی عێراق، دانیشتنەکەی سبەینێ کاتژمێر 11:00ـی پێشنیوەڕۆ بەڕێوەدەچێت.
دیارترین کاندید بۆ وەرگرتنی ئەو پۆستە، نزار ئامێدییە لە پشکی یەکێتیی نیشتمانیی کوردستان و پێشبینییەکان بەو ئاراستەیەن، کە ناوبراو سەرۆککۆماری داهاتووی عێراقە.
