مقەدەم هاشم عەلی، وتەبێژی پۆلیسی دارستان و ژینگەی گەرمیان ئاماری کار و چالاکییەکانی بەڕێوەبەرایەتییەکەی لە ساڵی 2025 دا رایگەیاند و ئاماژەی بەوەدا، زۆرترین رێژەی راوکردن لەسنووری خانەقین و قەرەهەنجیر تۆمارکراوە بەوپێیەی ئەوو دوو ناوچەیە بە سامانی ئاژەڵی کێوی و ماسی دەوڵەمەندە.
بەگوێرەی ئامارەکە، لە ساڵی رابردوودا دەستبەسەر 130 باڵندە و ئاژەڵی کێوی و 26 کیلۆ ماسی دا گیراوە کە بەشێوەی نایاسایی راوکراون.
وتەبێژی پۆلیسی دارستان و ژینگەی گەرمیان ئاماژەی بەوەشدا، هەر لە ساڵی رابردوودا 236 راوچی لە سنووری گەرمیان دەستگیرکراون و 289 کەرەستەی راوی جۆراوجۆر دەستیبەسەرداگیراوە.
