وتەبێژی دەزگای ئاسایشی هەرێمی کوردستان رایدەگەیەنێت، دادگای سلێمانی رێکاری یاسایی بەرامبەر ئەو وتاربێژە دەگرێتەبەر، کە دوێنێ لە مزگەوتی بەختەوەری بەهۆی وتارێکیەوە گرژی دروستبوو و دەستبەسەرکرا.
عەقید کارزان شێرکۆ، وتەبێژی دەزگای ئاسایشی هەرێمی کوردستان بە تۆڕی میدیایی ئێستای راگەیاند، سبەی یەکشەممە، دەوامی رەسمی لە فەرمانگەکان دەستپێدەکاتەوە و دادگا کاری خۆی دەزانێت و رێکاری یاسایی بەرامبەر وتاربێژەکە دەگرێتەبەر.
وتیشی، ئەو وتاربێژە تاوەکو ئێستا لای ئاسایش دەستبەسەرە.
