بەڕێوەبەرایەتیی هاتوچۆی گەرمیان رایدەگەیەنێت، بەهۆی دوو رووداوی هاتوچۆوە لە كەلار دوو كەس برینداربوون.
بەپێی راگەیەندراوێكی بەڕێوەبەرایەتیی هاتوچۆی گەرمیان كە وێنەیەكی دەست تۆڕی میدیایی ئێستا كەوتووە و تێیدا هاتووە، پاشنیوەڕۆی ئەمڕۆ بەهۆی دوو رووداوی هاتوچۆوە پێكدادان دوو كەس برینداربوون كە رووداوی یەكەم لە نزیك پەیمانگای تەكنیكی روویدا و رووداوەكە لە نێوان تۆیۆتا كرولا – ماتۆڕ سكیلێكدا بووە و لێخوڕی ماتۆڕسكیلەكە برینداربوو.
هەر لە راگەیەندراوەكەدا هاتووە، رووداوی دووەم لە نزیك قائیمقامیەتی قەزای كەلار لە نێوان نیسان مینی پاس- ماتۆڕسكیلێكدا روویدا كە بەهۆیەوە لێخوڕی ماتۆڕ سكیلەكە برینداربوو و بریندارەكان رەوانەی نەخۆشخانەی فریاكەوتنی شەهید هەژاركران و لەلایەن تیمی هاتوچۆوە لێكۆڵینەوە لە رووداوەكە دەستیپێكردووە.
