فەرماندەیی ناوەندیی هێزەکانی ئەمریکا رایدەگەیەنێت، بە وردی چاودێری دۆخی حەلەب دەکەین و داوا دەکەین سەرجەم لایەنەکان بگەڕێنەوە سەر مێزی گفتوگۆ.
سێنتکۆم (فەرماندەیی ناوەندیی هێزەکانی ئەمریکا)، سەبارەت بە دۆخی حەلەب راگەیەندراوێکی بڵاوکردەوە و تیایدا هاتووە، “داوا لە سەرجەم لایەنەکان دەکەین دان بە خۆیاندا بگرن و بگەڕێنەوە سەر مێزی گفتوگۆ”.
ئاماژەی بەوەشکردووە، “بە وردی چاودێریی دۆخی حەلەب و ناوچەکانی دەوروبەری دەکەین، داواش لە سەرجەم لایەنەکان دەکەین لەو کارانە بەدووربن کە گرژی و ئاڵۆزییەکان زیاتر دەکەن”.
هەر لە راگەیەندراوەکەی سێنتکۆمدا هاتووە، “داواکارین بە نیازپاکییەوە بەدوای چارەسەرێکی دیپلۆماسیدا بگەڕێن بۆ کێشەکان، پاراستنی هاوڵاتییان بکرێتە ئەرکی لەپێشینە”.
