پۆلیسی هەولێر ئاشكرایكرد، تۆمەتباری سەرەكی ڕوداوی هەڵكوتانەسەر دەرمانخانەكەی هەولێریان دەستگیركرد، كە لە گرتە ڤیدیۆییەكدا دەركەوت لە تەندروستكارێكیان دەدا.
پۆلیسی هەولێر ئەوەشی ئاشكراكردووە، “کەمتر لە 24 کاتژمێر ڕۆژی ھەینی تۆمەتبارێکی سەرەکیمان بە ناوی (ف.ع.ق) دەستگیر کرد، ھێزەکانمان سەرقاڵی دستگیرکردنی تۆمەتباری دووەمیشن، دەستبەجێش پەڕاوی بۆ کراوەتەوە و درایە دەست یاسا بەپێی مادەی 430 لە یاسای سزادان”.
ئەوەش خراوەتەڕوو، ھەر لەساتی یەکەمی بڵاوبوونەوەی گرتە ڤیدیۆکە تادەستگیر کردنیان پارێزگاری ھەولێر وەک بەرپرسی ئەمنیی شارەكە خۆی لەسەر ھێڵ بووە لەگەڵ پۆلیس.
پۆلیسی هەولێر دەڵێت، “دڵنیایی دەدەینە ھاوڵاتییانی خۆشەویستی شاری ھەولێر کە پۆلیس شەووڕۆژ لە ئەرکدا دەبن بۆ پاراستنی سەروماڵیان و بەرقەراربوونی ئەمنیەت، خۆشمان بە خزمەتکاری ھاوڵاتییان دادەنێین”.
