هێزەکانی سوریای دیموکرات راگەیەندراوێکی حکومەتی سوریا لەبارەی کۆکردنەوەی هێز لە مەسکانە و دێر حافر، رەتدەکاتەوە و بە ”بیانوو” بۆ هەڵگیرساندنی شـ.ـەڕ ناوی دەبات.
هـ.ـەسەدە لە راگەیەندراوەکەدا ئاماژە بەوەدەکات، ئەو راگەیەندراوە چەواشەکارانەی لەلایەن وەزارەتی بەرگریی سوریاوە بڵاودەکرێنەوە لەبارەی کۆکردنەوە و جووڵەپێکردنی هێزەکانمان لە مەسکانە و دێر حافر ناڕاستن.
باسی لەوەشکردووە، بەپێچەوانەوە، تەنها گروپە چـ.ـەکدارەکانی سەر بە حکومەتی دیمەشق جوڵەی سەربازییان لەو ناوچانە هەیە.
هـ.ـەسەدە لە راگەیەندراوەکەدا ئاماژە بەوەشدەکات، بڵاوکردنەوەی ئەو هەواڵە بۆ دووەم جار لەلایەن وەزارەتی بەرگرییەوە، هەوڵێکە بۆ وروژاندنی رای گشتی و بەدەستەوەدانی بیانوو بۆ هەڵگیرسانی شـ.ـەڕ.
