میدیاکانی تورکیا بڵاویانکردەوە، داواکاری گشتیی ئیستانبوڵ، لە چێشتخانەیەک لە ناوچەی چەکمێکۆی ئەو شارە، بە چەقۆ کوژرا.
بەپێی میدیاکانی تورکیا، ئێرجان کەیهان، داواکاری گشتیی ئیستانبوڵ کاتژمێر 9:15ـی ئەمشەو، لە چێشتخانەیەک بە چەقۆ هێرشیکراوەتە سەر و قوڕگی بڕدراوە.
پاش رووداوەکە، پۆلیسی ئەو ناوچەیە راستەوخۆ تۆمەتبارێکیان بە ناوی (مستەفا جان)ـی تەمەن 19 ساڵ دەستگیرکرد کە بە وتەی پۆلیس، تۆمەتبارەکە پێشتر ناکۆکیی لەگەڵ قوربانییەکەدا هەبووە.
