دۆناڵد ترەمپ، سەرۆکی ئەمریکا پەیامێکی هـ.ـەڕەشەئامێز ئاراستەی کوبا دەکات و دەڵێت، چیتر پارەی نەوت نەما و وەرن رێکبکەون پێش ئەوەی درەنگ بێت.
سەرۆکی ئەمریکا هەژماری خۆی لە تۆڕی “تروث سۆشیاڵ” نوسیویەتی، “کوبا ساڵانێکی زۆرە بە بڕێکی زۆر نەوت و پارەی ڤێنزوێلا دەژی، ئەوانیش بەرامبەردا خزمەتگوزاریی ئەمنییان پێشکەش بە دوو دیکتاتۆری کۆتایی ڤەنزوێلا کرد، بەڵام چیتر نا”.
ئاماژەی بەوەشکردووە، “زۆربەی ئەو کوباییانە لە هێرشەکەی ئەمریکادا هەفتەی رابردوو کوژراون و ڤێنزوێلا چیتر پێویستی بە پاراستن نییە لە دەست ئەو سەرکوتکەر و مافیایانەی کە ساڵانێکی زۆر بە بارمتەیان گرتوون.”
سەرۆکی ئەمریکا جەختشیکردەوە، “کوبا چیتر پارە و نەوتی بۆ ناڕوات، بۆیە پێشنیار دەکەم رێکبکەون پێش ئەوەی درەنگ بێت.”
