نێردەی تایبەتی ئەمریکا بۆ کاروباری سوریا ئاشکرایدەکات، پێویستە رێککەوتنی 10ی ئازار لەنێوان هەسەدە و حکومەتی سوریا کارابکرێتەوە و هەردوولا پێوەی پابەندبن.
تۆم باراک، نێردەی تایبەتی ئەمریکا بۆ کاروباری سوریا، پاش کۆبوونەوەی لەگەڵ ئەیمەن سەفادی، وەزیری دەرەوەی ئوردن، لە تۆڕی کۆمەڵایەتیی X نووسیویەتی، پاڵپشتی هەموو جۆرە هەوڵێکی ئاگربەست دەکەین لەنێوان هێزەکانی هەسەدە و حکومەتی سوریا، هەروەها لەگەڵ ئەوەداین هەسـ.ـەدە بەشێوەیەکی ئاشتیانە، بەبێ ئەوەی ژیان و ئاسایشی خەڵکی حەلەب بکەوێتە مەترسییەوە، هێزەکانی لە حەلەب بکشێنێتەوە.
نووسیویشیەتی، جەخت لەوە دەکەینەوە کە پێویستە هەرچی زووە رێککەوتنی 10ی ئازاری ساڵی 2025 لەنێوان هەسەدە و حکومەتی سوریا کارابکرێتەوە، کە پێشتر هەردوولا پێوەی پابەندبوون.
