هەسەدە خۆڕادەستكردن و دەستگیركردنی 3 هەزار و 500 چەكداری داعشی ڕاگەیاند، لە زیندانی غوێران نزیكەی 60-90 چەكدار ماون تا ئێستا لە زیندانەكەدا خۆیان نەداوە بەدەستەوە.
هێزەكانی سوریای دیموكرات لە دوایین ڕاگەیەندراودا ئاشكرایكردووە، دوای ئەوەی زیندانی غوێران كۆنترۆڵكرا و نزیكەی 3 هەزار و 500 چەكداری داعش ناچار بە خۆڕادەستكردن كران، هێزەكانیان هەڵمەتێكی كێوماڵیان لەناو زیندانەكە دەستپێكرد.
هەسەدە دەڵێت، لە بەشی باكووری زیندانەكە چەند مۆڵگەیەك ماون، كە ژمارەیەك چەكداری داعش خۆیان تیادا حەشارداوە و دەیانەوێت بەردەوامی بە پێكدادان بدەن.
هێزەكانی سوریای دیموكرات پێشبینیدەكات ژمارەی چەكدارەكانی داعش 60-90 چەكدار بن، “داوای خۆڕادەستكردنیان لێكراوە، بەڵام ئەگەر خۆیان نەدەن بەدەستەوە، بەوپەڕی توندی مامەڵەیان لەگەڵدەكرێت”.
